एउटा प्रश्न
बिजराज पोखरेल
नबिर्स तिमी
तिमी जुन सिंहासनमा
बिराजमान भएका छौ
त्यो सिंहासन बनाउन
म लगायत
धेरै कारीगढहरुको योगदान छ।
सिंहासनमा बस्ने तौरतरिकामा
सिंहासनको शोभा निर्भर रहन्छ
त्यो शोभा नबिग्रियोस
भन्नाका ख़ातिर
खवरदारी गर्ने हक हामीलाई पनि त छ।
हाम्रो रगतपसिनाले बनेको
त्यो सिंहासनमा
अलि ढंग पुर्याएर बस है भन्दा
तिम्रो छाति फराकिलो हुनु पर्नेमा
राजामहाराजा झै
तिम्रो त्यो छाति भतभति किन पोल्छ ?
