फ्रान्सेली रसायन कारखानामा बिस्फोट

फ्रान्स, १० असोज : फ्रान्सको उत्तरी क्षेत्र केएन नगरको एउटा रसायनिक कारखानामा भएको भिषण आगलागी शुक्रबार नियन्त्रणमा आएको छ । आगलागीका कारण निस्केको प्रदूषित मुस्लो धुँवाका कारण नगर क्षेत्रका विद्यालयहरु पनि बन्द गरिएको थियो ।

लुब्रिजोल कम्पनीको स्वामित्वमा रहेको रसायन कारखानाको गोदाममा बिहीबार बिहान २.३० बजे ठूलो आवाज सहितको विस्फोटन पश्चात आगलागी भएको थियो । यो कारखाना अमेरिकी खर्बपति व्यापारी वारेन बफेटको स्वामित्वमा रहेको छ ।

आगलागीका कारण कारखानामा कार्यरत कोही पनि कर्मचारी घाइते नभएको अग्निनियन्त्रकहरुले जनाएका छन् । कारखानाबाट निस्केको धुँवा झण्डै २२ किलोमिटर टाढासम्म फैलिएको थियो ।

अग्निनियन्त्रक विभागका प्रवक्ता क्रिस चिसलार्डले कारखानाको मुख्य आगो नियन्त्रणमा आए पनि अझै कारखाना ’round नमिठो दुर्गन्ध फैलिइरहेको बताउनुभयो ।

आगो निभाउन २०० भन्दा बढी अग्निनियन्त्रकहरु खटाइएको थियो । यो कारखाना नगर क्षेत्रबाट नजिकै रहेकाले पनि त्यसको असर नगरबासीमा पर्ने चिन्ता व्यक्त गरिएको छ ।

लुब्रिजोल कम्पनीले आगलागीबाट उद्योगको गोदामघर, प्रशासनिक भवन समेत पूर्ण रुपमा जलेको जनाएको छ । आगलागीको कारण भने अझै खुलेको छैन ।

कम्पनीले नगरबासीलाई फलफूल वा तरकारीलाई राम्रोसँग पखालेर मात्र खान अनुरोध गरेको छ । फ्रान्सेली अभियोजनकर्ताहरुले कारखानाको आगलागीका ’boutमा अनुसन्धान शुरु गरेका छन् । (रासस-एएफपी)