साम्पडोरियालाई ३–१ ले हराउँदै इन्टरकाे छाैठाैं जित

मिलान । एलेक्स सान्चेजले इन्टर मिलानका लागि पहिलो पल्ट खेल्दै गोल गरेपछि टिमले शनिबार राति इटालीको सिरी ए मा आफ्नो शतप्रतिशत सुरुवात कायम राख्यो । लगातार छैटौं जितका लागि इन्टरले साम्पडोरियालाई ३–१ ले हरायो ।

म्यानचेस्टर युनाइटेडमा असफल रहेपछि ऋणमा इन्टर आएका सान्चेज दोस्रो हाफमा रातो कार्ड खाएर मैदान छाड्न पनि बाध्य रहे ।

चिलीका सान्चेजले जेनोआमा भएको खेलमा ठूलो प्रभाव भने छाडे । इन्टरको छ खेलबाट अधिक्तम १८ अंक भएको छ र यो दोस्रो स्थानमा रहेको युभेन्ट्सको भन्दा दुई अंकको अग्रता हो ।