कोरोनाबाट संक्रमित हुनेको संख्या १७ हजार ५ सय २
काठमाडौं, साउन ३ : नेपालमा थप ५७ जनामा कोरोना भाइरसको संक्रमण पुष्टि भएको छ।
पछिल्लो २४ घन्टामा विभिन्न प्रयोगशालामा गरिएको परीक्षणमा थप ५७ जनामा कोरोनाको संक्रमण पुष्टि भएको स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले जानकारी दिए। योसँगै नेपालमा कोरोनाबाट संक्रमित हुनेको संख्या १७ हजार ५ सय २ पुगेको छ।
संक्रमितमध्ये हालसम्म ११ हजार ६ सय ३७ जना निको भएर घर फर्किएका छन् भने संक्रमणबाट अहिलेसम्म ४० जनाको मृत्यु भएको छ।
प्रवक्ता गौतमका अनुसार शनिबार कोरोनालाई जितेर १०३ जना घर फर्किएका छन्।
