थप १०६९ जना संक्रमित, उपत्यकामा ४८१

पछिल्लो २४ घण्टामा देशभरमा गरिएको १२ हजार ८८ जनाको परीक्षणमा १०६९ जनामा कोरोना संक्रमण देखिएको छ । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार १२ हजार ८८ जनामा गरिएको परीक्षणमा १०६९ जनामा संक्रमण पुष्टि भएको हो । नेपालमा कुल संक्रमितको संख्या ४० हजार ५२९ पुगेको छ ।

२४ घण्टामा उपत्यकामा ४८१ जनामा संक्रमण पुष्टि भएको छ । जसमा काठमाडौंमा ३९३, ललितपुरमा ५८ र भक्तपुरमा ३० जना रहेका छन् । गौतमका अनुसार मंगलबार कोरोनालाई जितेर ७६८ घर फर्किएका छन।