थप १२४६ जना संक्रमण, ५० हजार नाघ्यो संक्रमितको संख्या

पछिल्लो २४ घण्टामा १२४६ जनामा कोरोना भाइरसको संक्रमण पुष्टि भएको छ ।

देशभरका प्रयोगशालामा ११ हजार १४४ नमुना परीक्षण गर्दा १२४६ मा संक्रमण पुष्टि भएको हो । यससँगै कुल संक्रमितको संख्या ५० हजार ४६५ पुगेको छ । त्यस्तै पछिल्लो २४ घण्टामा १ हजार ८१८ जना निको भएर घर फर्किएका छन्।

यीसहित हालसम्म निको हुनेको संख्या ३५ हजार ७ सय पुगेको छ। हाल देशभर सक्रिय संक्रमितको संख्या १४ हजार ४४८ छ।