सरकारद्वारा वामदेवलाई राष्ट्रिय सभा सदस्यमा सिफारिस

काठमाडौं, भदौ २९ : सरकारले नेकपा उपाध्यक्ष वामदेव गौतमलाई राष्ट्रिय सभा सदस्यमा मनोनयनका लागि राष्ट्रपतिसमक्ष सिफारिस गरेको छ । 

सोमबार प्रधानमन्त्री निवास बालुवाटारमा बसेको मन्त्रिपरिषद् बैठकले गौतमको नाम राष्ट्रपति समक्ष सिफारिस गरेको कृषीमन्त्री घनश्याम भुषालले जानकारी दिए।

गौतमलाई गत फागुन १४ गते राष्ट्रियसभामा पठाउने भनेर नेकपा सचिवालय बैठकले निर्णय गरेको थियो ।

१८ गते बसेको सचिवालय बैठकमा प्रधानमन्त्री तथा पार्टी अध्यक्ष ओलीले त्यही निर्णय कार्यान्वयन गर्ने जानकारी गराएका थिए।