उपत्यकामा ६१८ सहित थप १२४६ जना संक्रमित

पछिल्लो २४ घण्टामा उपत्यकामा ६१८ सहित देशभर १२४६ जनामा कोरोना भाइरसको संक्रमण पुष्टि भएको छ ।

स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार पछिल्लो २४ घण्टामा १० हजार ६४१ जनाको पिसिआर परीक्षण गर्दा सो संख्याका संक्रमित थपिएका हुन् ।

यससँगै कुल संक्रमितको संख्या ५९ हजार ५७३ पुगेको छ । पछिल्लो २४ घण्टामा मात्र १२४३ जना डिस्चार्ज भएको स्वास्थ्य तथा जनसंख्या मन्त्रालयले जनाएको छ । यो संगै कोरोनाबाट निको हुनेको संख्या ४२ हजार ९४९ पुगेको छ।