बुधबार थप २६३८ जनामा कोरोना संक्रमण पुष्टि

काठमाडौँ, २८ असोज : पछिल्लो २४ घन्टामा थप २६३८ जनामा कोरोना भाइरस (कोभिड-१९) को संक्रमण पुष्टि भएको छ ।

स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार १३ हजार ९४७ जनाको पीसीआर परिक्षण गर्दा सो संख्याका संक्रमित थपिएका हुन्। यीसहित हालसम्म संक्रमित हुनेको संख्या १ लाख १७ हजार ९९६ पुगेको छ । पछिल्लो २४ घन्टामा कोरोनाबाट २ हजार १७४ निको भएका छन्। यीसहित हालसम्म कोरोनाबाट निको हुनेको संख्या ३६ हजार ३६७७ पुगेको छ भने सक्रिय संक्रमितको संख्या ३६ हजार ३६७ पुगेको छ । सक्रिय संक्रमितमध्ये संस्थागत आइसोलेशनमा १४ हजार ८१९ र होम आइसोलेशन २१ हजार ५४८ जना रहेका छन् ।

बुधबार थप १२ जनाको कोरोना संक्रमणका कारण मृत्यु भएको छ।यो संगै कोरोनाबाट ज्यान गुमाउनेको संख्या ६७५ पुगेको छ।