थप ३०९३ जनामा कोरोना संक्रमण पुष्टि
काठमाडौँ, ४ कात्तिक : पछिल्लो २४ घण्टामा थप ३०९३ जनामा कोरोना भाइरस (कोभिड-१९) को संक्रमण पुष्टि भएको छ ।
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार १३ हजार ८ सय बढीको पिसिआर परीक्षण गर्दा सो संख्याका संक्रमित थपिएका हुन्। यीसहित हालसम्म संक्रमित हुनेको संख्या १ लाख ३९ हजार १२९ पुगेको छ। त्यस्तै यपछिल्लो २४ घन्टामा २ हजार १०८ जना कोरोनाबाट मुक्त भएका छन्। यीसहित हालसम्म कोरोनाबाट निको हुनेको संख्या ९६ हजार ६०९ पुगेको छ भने हाल देशभर सक्रिय संक्रमितको संख्या ४१ हजार ७७५ रहेको मन्त्रालयले जनाएको छ।जसमा संस्थागत आइसोलेसमा १३ हजार ५ सय ५९ र होम आइसोलेसनमा २८ हजार १ सय ९६ जना रहेका छन् । आज थपिएका संक्रमितमध्ये १७०२ उपत्यकाका छन् ।
पछिल्लो २४ घण्टामा थप ८ जनाको कोरोना संक्रमणका कारण मृत्यु भएको छ। यीसहित हालसम्म कोरोना संक्रमणका कारण मृत्यु हुनेको संख्या ७६५ पुगेको छ।
