थप तीन हजार ५१७ मा कोरोना सङ्क्रमण पुष्टि

देशभर पछिल्लो २४ घण्टामा थप तीन हजार ५१७ जनामा कोभिड –१९ को सङ्क्रमण पुष्टि भएको छ । पछिल्लो समय १४ हजार ९८९ जनाको  स्वास्थ्य परीक्षण गर्दा  दुई हजार १५६ पुरुष र एक हजार ३६१ महिलामा सङ्क्रमण पुष्टि भएको हो । स्वास्थ्य तथा जनसंख्या मन्त्रालयका अनुसार यसँगै नेपालमा कोरोना भाइरस सङ्क्रमितको सङ्ख्या एक लाख ६८ हजार २३५ पुगेको छ ।

हाल देशभर सक्रिय सङ्क्रमित ३८ हजार ३५७ जना रहेका छन्, जुन सङ्क्रमितमध्ये २२.८ प्रतिशत हो । मन्त्रालयका अनुसार पछिल्लो २४ घण्टामा निको हुनेको सङ्ख्या चार हजार ९६  छ । यससँगै  निको हुनेको सङ्ख्या एक लाख २८ हजार ९५८ पुगेको छ । हाल देशभर दुई हजार ६६६ जना क्वारेन्टिनमा छन् । 

थप १६ को मृत्यु

 हालसम्म देशभर कोरोनाबाट मृत्यु हुनेको सङ्ख्या ९२० पुगेको छ ।   पछिल्लो २४ घण्टामा थप १६ जनाले ज्यान  गुमाएको मन्त्रालयले जनाएको छ ।