कोरोना संक्रमणबाट पाल्पामा थप एक जनाको मृत्यु

कोरोना भाइरसको संक्रमणबाट पाल्पामा थप एक जनाको मृत्यु भएको छ। 

रामपुर नगरपालिका-७ का ४४ वर्षीय पुरुषको लुम्बिनी मेडिकल कलेजमा मंगलबार उपचारका क्रममा मृत्यु भएको हो।

कात्तिक ५ गते कोरोना संक्रमण पुष्टि भएपछि ती पुरुषलाई उपचारका लागि लुम्बिनी मेडिकल कलेज भर्ना गरिएको र उपचारका क्रममा मृत्यु भएको स्वास्थ्य कार्यालयका सूचना अधिकारी ओमप्रकाश पन्थीले जानकारी दिए।

ती पुरुषमा निमोनियाको समस्या रहेको थियो। योसँगै पाल्पामा कोरोना संक्रमणबाट मृत्यु हुनेको संख्या ११ पुगेको छ।