आज काठमाडौंमा नेकपाको प्रचण्ड–नेपाल समूहले प्रदर्शन गर्दै
काठमाडौं, माघ ९ : नेपाल कम्युनिष्ट पार्टी (नेकपा) को प्रचण्ड–नेपाल समूहले आज काठमाडौंमा विरोध प्रदर्शन गर्दै छ ।
प्रतिनिधिसभा विघटनविरुद्ध आन्दोलन गर्दै आएको प्रचण्ड–नेपाल समूहले आजको प्रदर्शन शान्तिपूर्ण हुने बताएको छ ।
चरणबद्ध आन्दोलनको कार्यक्रमअन्तर्गत नेकपाले आज काठमाडौंमा विरोध प्रदर्शन र सभाको आयोजना गरेको हो ।
सरकारले गएको पुस ५ गते प्रतिनिधिसभा विघटन गरी आउँदो वैशाख १७ र २७ गते मध्यावधि चुनावको मिति तोकेको छ ।
