अवहेलना सम्बन्धी मुद्दामा लिखित जवाफ दिन सर्वोच्च जाँदै प्रचण्ड

काठमाडौं, फागुन १६ : नेकपा प्रचण्ड–नेपाल समूहका अध्यक्ष पुष्पकमल दाहाल ‘प्रचण्ड’ सर्वोच्च अदालत जाँदैछन्। अवहेलना सम्बन्धी मुद्दामा लिखित जवाफ दिन प्रचण्ड सर्वोच्च अदालत जाने भएका हुन् । 

अवहेलना मुद्दामा न्यायाधीश मनोजकुमार शर्माको एकल इजलासले लिखित जवाफ पेस गर्न आदेश दिएपछि प्रचण्ड  जवाफ दिन अदालत जान लागेका हुन् ।

विचाराधीन मुद्दाका विषयमा गरेका राजनीतिक टिप्पणीहरुलाई लिएर अधिवक्ता समिर हायुले प्रचण्डविरुद्ध अवहेलना मुद्दा दायर गरेका थिए । विराटनगरको सभामा प्रचण्डले दिएको अभिव्यक्तिविरूद्ध अदालतमा मुद्दा दर्ता भएको थियो।

यस्तै प्रकृतिको मुद्दामा यसअघि प्रधानमन्त्री केपी शर्मा ओलीले अदालतमा उपस्थित रहेर जवाफ दिइसकेका छन्।