नेकपामा विभाजन ल्याउन कांग्रेस सरकारमा जानुपर्छ डा‍. शशांक कोइराला

चितवन, फागुन १९ : प्रमुख प्रतिपक्षी दल नेपाली कांग्रेसका महामन्त्री डा‍. शशांक कोइरालाले प्रधानमन्त्री केपी ओलीविरुद्धको अविश्वासको प्रस्ताव (नेकपा) प्रचण्ड–नेपालले दर्ता गर्ने र सो समूहसँग आफूहरू मिलेर जानुपर्ने बताएका छन्।

प्रतिनिधिसभा सदस्यसमेत रहेका डा. कोइरालाले बुधबार चितवनमा पत्रकारसँग कुराकानी गर्दै नेकपालाई फुटाउन भए पनि कांग्रेस सरकार जानुपर्नेमा जाेड दिएका हुन् ।

कांग्रेस सरकारमा नजाँदा पनि नेकपामा विभाजन आउँछ भने चाहिँ  सरकारमा जानुको कुनै आचित्य नभएको उनको तर्क थियो। सुरुमा प्रधानमन्त्रीलाई हटाउनु नै मुख्य विषय भएको महामन्त्री डा. कोइरालाकाे भनाइ थियो ।

कांग्रेसको आगामी महाधिवेशन’bout बोल्दै उनले भदौ ७ गतेदेखि हुने तय गरिएकाे महाधिवेशन मिति अब भने नसर्ने जानकारी गराए।