नेपाल र खनाल समूहमा रहेका सांसदहरुले छुट्टै छलफल गरेपछि बालुवाटार बैठकमा जाने, वामदेव गौतम नजाने
नेपाल र झलनाथ खनाल समूहमा रहेका सांसदहरुले छुट्टै छलफल गरेपछि बालुवाटारकै बैठकमा जाने निष्कर्षमा पुगेका छन्।
उनीहरु ललितपुरको एक पार्टी प्यालेसमा छलफलपछि बालुवाटारकै बैठकमा जाने निष्कर्षमा पुगेका हुन् ।
आफूहरु बालुवाटार बैठकमा जाने निष्कर्षमा पुगेको नेपाल पक्षका एक सांसदले जानकारी दिए ।
प्रधानमन्त्री केपी शर्मा ओलीको आह्वानमा एमाले संसदीय दलको बैठक बालुवाटारमा ११ बजे बस्ने लागेको हो । नेता योगेश भट्टराईले भने स्थायी कमिटी सदस्यहरुबाहेक सबै सांसहरु बालुवाटार जाने निर्णय भएको बताए।
नेता वामदेव गौतम पनि आज बालुवाटारमा आयोजना गर्ने संसदीय दलको बैठकमा नजाने भएका छन् ।
