पछिल्लो २४ घण्टामा थपिए दुई हजार ३५१ जना कोरोना संक्रमित
काठमाडौं, वैशाख ८ : पछिल्लो २४ घण्टामा थप दुई हजार ३५१ जना कोरोना संक्रमित थपिएका छन् ।
८ हजार ८४४ जनाको परिक्षण गरिएकोमध्ये पीसीआर विधिबाट दुई हजार दुईसय बीस र एन्टिजेन विधिबाट एक सय ३१ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
उपत्यकामा मात्र एक हजार ५१ जनामा कोरोना संक्रमित रहेका छन् । जसमध्ये काठमाडौंमा ७ सय ८६, ललितपुरमा १ सय ८१ र भक्तपुरमा ८४ जना रहेका छन् ।
यस्तै देशभर एक सय ३८ जना आईसियुमा रहेकामध्ये ४७ जना भेन्टिलेटरमा छन् । यस्तै गत २४ घण्टामा डिस्चार्ज हुनेको संख्या २ सय ८७ जना रहेको मन्त्रालयले जनाएको छ ।
