२४ घण्टामा काठमाडौं उपत्यकामा २ हजार ४७ सहित देशभर ४८९७ जना संक्रमित थपिए
काठमाडौं, वैशाख १५ : २४ घण्टामा देशभर ४८९७ जना कोरोना भाइरसका संक्रमित थपिएका छन् ।
१३ हजार ८७९ जनाको पीसीआर र ९५५ जनाको एन्टिजेन परीक्षण गर्दा क्रमशः ४७५४ र १२३ जना संक्रमित थपिएका हुन् । योसँग नेपालमा सक्रिय संक्रमितको संख्या ३० हजार २०९ पुगेको स्वास्थ्य तथा जनसंख्या मन्त्रालयले जानकारी दिएको छ ।
यस्तै, काठमाडौं उपत्यकामा थप २ हजार ४७ जना कोरोना संक्रमित थपिएका छन् । भक्तपुरमा २३२, ललितपुरमा ३५१ र काठमाडौंमा १४६४ जना संक्रमित थपिएका हुन् ।
पछिल्लो २४ घण्टामा ७७३ जना संक्रमणमुक्त भएका छन् ।
