कोरोनाबाट एकैदिन ३५ जनाको मृत्यु, ४९२८ जना कोरोना संक्रमित

काठमाडौं, वैशाख १६ : पछिल्लो २४ घण्टामा कोरोना भाइरसको संक्रमणबाट ३५ जनाको मृत्यु भएको छ। आज ४९२८ जना कोरोना संक्रमित थपिएका छन्।

देशभर कुल १३ हजार ५६० जनाको परिक्षण गरिएकोमध्ये पीसीआर विधिबाट ४ हजार ८३१ र एन्टिजेन विधिबाट ९७ जनामा कोरोनाा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ।

त्यस्तै, उपत्यकामा मात्र १ हजार ५६१ जना कोरोना संक्रमित थपिएका छन्। जसमध्ये  काठमाडौंमा १ हजार १२७, ललितपुरमा २ सय ५२ र भक्तपुरमा १ सय ८२ जना रहेका छन्।

गत २४ घण्टामा निको हुने संख्या ८ सय ८८ रहेको छ। देशभर सक्रिय संक्रमितको संख्या ३४ हजार ११७ रहेको छ ।