पछिल्लो २४ घण्टामा कोरोनाबाट १८७को मृत्यु, ८१६७मा संक्रमण, ५४८८ जना संक्रमणमुक्त
काठमाडौं, जेठ १ : पछिल्लो २४ घण्टामा देशभर कोरोना संक्रमणबाट थप १८७ जनाको मृत्यु भएको छ । यस्तै ८१६७ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ।
पीसीआर विधिबाट १७९७१ र एन्टिजेन विधिबाट ५७७ जनाको परीक्षण गर्दा ८१६७ जनामा कोरोना संक्रमण पुष्टि भएको हो। यस्तै सोही अवधिमा ५४८८ जना संक्रमणमुक्त भएको मन्त्रालयले जनाएको छ ।
यससँगै देशभर कोरोना निको हुनेको कुल संख्या ३ लाख ३३ हजार १०८ जना पुगेको छ भने कुल संक्रमितको संख्या चाहिँ ४ लाख ४७ हजार ७०४ पुगेको छ ।
हालसम्म संक्रमितमध्ये ४८५६ जनाको मृत्यु भएको छ भने बाँकी १ लाख ९ हजार ७४० जना सक्रिय संक्रमित रहेका छन् ।
