पछिल्लो २४ घन्टामा कोरोनाबाट ६४९१ संक्रमणमुक्त, ४७६२ संक्रमित, ११४ मृत्यु

काठमाडौं, जेठ १७ : पछिल्लो २४ घन्टामा कोरोना संक्रमणबाट ६ हजार ४ सय ९१ जना कोरोनाबाट मुक्त भएका छन्।

त्यस्तै सोही अवधिमा ४ हजार ७ सय ६२ जनामा कोरोना संक्रमण पुष्टि भएको छ। देशभर कुल १७ हजार ४ सय ८० जनामा कोरोना परीक्षण गरिएको थियो।

सोही अवधिमा कोरोना संक्रमणबाट मृत्यु हुनेको संख्या भने १ सय १४ रहेको स्वास्थ्य तथा जनसंख्या मन्त्रालयले जनाएको छ।

पछिल्लो २४ घन्टामा कुल संक्रमितमध्ये काठमाडौंमा ८ सय ९०, भक्तपुरमा १ सय २१ र ललितपुरमा २ सय ५२ गरि उपत्यकामा मात्रै १ हजार २ सय ६३ जना संक्रमित थपिएका छन्।