चौधरी उद्योग ग्रामकाे बियर प्लान्टमा आगलागी

काठमाडौं, जेठ १९ : पूर्वी नवलपरासीको देवचुलीमा रहेको चौधरी उद्योग ग्राम (सीजी) मा आगलागी भएको छ।बुधबार बिहान उद्योग भित्र रहेको नेपाल आइस बियर उत्पादन हुने प्लान्टमा आगलागी भएको हो । 
 
जिल्ला प्रहरी कार्यालयनवलपुरका अनुसार आगलागी भएको स्थानमा प्रहरी टोलि खटिएको र आगो नियत्रणबाहिर रहेकाे छ । आगो नियन्त्रणमा लिन तिन बारुणयन्त्र प्रयोग गरिएको छ।जिल्ला प्रहरी प्रवक्ता प्रहरी नायब उपरीक्षक दिलीपकुमार गिरीका अनुसार तीन वटा दमकलले आगो नियन्त्रण प्रयास गरिरहेका छन्। ‘आगो निभाउनका लागि सशस्त्र प्रहरी, जनपद प्रहरी, नेपाली सेना र दमकल खटिएका छन्, तर नियन्त्रणमा आउन सकेको छैन,’ गिरीले भने, ‘आसपासका जिल्लाबाट अरू दमकल बोलाउँदैछौं।’

आगो नियन्त्रणमा आउन नसकेपछि भवनहरू डोजर लगाएर भत्काउन थालिएको छ।