२०८२, ११ भाद्र बुधबार
यूनिकोड

इन्द्रावती ड्याम छेउमा निरन्तर पहिरो

पाँचपोखरी,थाङपाल गाउँपालिका–८ लाँगर्चे इन्द्रावती तेस्रो जलविद्युत आयोजनाको डयाम साइड छेउमा गएको पहिरो । मङगलबार राति गएको पहिरोले मेगा बैंकमा कार्यरत कर्मचारीको एक मोटरसाइकल पुरिएको छ । तस्बिर : देवराज सुवेदी(रासस)

सिन्धुपाल्चोक, ८ भदौ : पाँचपोखरी थाङ्पाल गाउँपालिका–८ लाँगर्चे इन्द्रावती तेस्रो जलविद्युत् आयोजनाको ड्यामसाइटमा ठूलो पहिरो गएको छ । गए राति ९ बजे गएको पहिरामा मेगा बैंकमा कार्यरत कर्मचारीको एक मोटरसाइकल पुरिएको छ भने मानवीय क्षति भने नभएको स्थानीयवासी राजन भुजेलले जानकारी दिनुभयो । अहिले पनि पहिरो निरन्तर खसिरहेकाले जोखिम रहेको जलविद्युत् आयोजनाका प्रमुख मानोलक श्रेष्ठले जानकारी दिनुभयो ।

निरन्तरको वर्षापछि आएको पहिराले मेलम्ची भेताङग जोड्ने मोटरबाटोमा पनि क्षति पुगेको छ । यस क्षेत्रमा पैदल हिँड्न्समेत अति डरमर्दो अवस्था रहेको भुजेलले बताउनुभयो । असार १ र त्यसपछिका बाढीपहिराले यस सडकमा यातायातका साधन चलेका छैनन् । पहिरो ठूलो भएको, पुल बगाएको तथा जताततै सडक क्षति भएकाले मर्मतमा समस्या भएको गाउँपालिकाले जनाएको छ । (रासस)