भीम आचार्य प्रदेश १ को मुख्यमन्त्रीमा नियुक्त
विराटनगर, भदौ १० : एमाले सचिव भीम आचार्य प्रदेश १ को मुख्यमन्त्रीमा नियुक्त भएका छन्।
मुख्यमन्त्री रहँदै आएका शेरधन राईले राजीनामा दिएपछि आज (बिहीबार) साे पदमा आचार्य नियुक्त भएका हुन्।
मुख्यमन्त्रीमा नियुक्त हुनुअघि उनी एमाले प्रदेश १ संसदीय दलको नेता चयन भएका थिए।
विराटनगरस्थित होटल एसिया टेकमा आज बिहान बसेको संसदीय दलको बैठकले उनलाई दलको नेता चयन गरेको हो।
