२०८२, १५ असार आईतवार
यूनिकोड

जिप दुर्घटना हुँदा २३ घाइते

जीप दुर्घटना धादिङको गजुरी गाउँपालिका –२ मलेखु भण्डारा सडकखण्डस्थित तुनी खोलामा दुर्घटना भएको ग१ज ३०११ नम्बरको बोलेरो जीप । सडकबाट २५ मिटर तल खोलामा जीप खस्दा २३ जना घाइते भएको जिल्ला प्रहरी कार्यालय धादिङले जनाएको छ । तस्बिरः सिताराम अधिकारी

धादिङ, १४ कात्तिक (रासस) : दक्षिणी धादिङको गजुरी गाउँपालिका वडा नं २ मलेखु भण्डारा सडकखण्डस्थित तुनी खोलामा आज ताल्तीबाट मलेखुतर्फ आउँदै गरेको ग१ज ३०११ नम्बरको बोलेरो जिप पल्टिँदा २३ जना घाइते भएका छन् । जिपमा ३० जना सवार रहेको बताइएको छ ।

कच्ची सडकबाट करीब २५ मिटर तल खोलामा खसेर दुर्घटना भएको जिल्ला प्रहरी कार्यालय धादिङका प्रमुख प्रहरी उपरीक्षक राजकुमार बैदवारले बताउनुभयो ।

घाइतेको उद्धारपछि राजमार्ग सामुदायिक अस्पताल, मलेखु र गजुरी अस्पतालमा उपचारका लागि लगिएको छ । थप विवरण आउन बाँकी छ ।