मुटुको व्यथा
डा. राजेन्द्र कोजु
मुटुको व्यथा
उ प्रेम गर्छ, म ढक ढक गर्छु
र उ भन्छ “किन बढ्दै छ ढुक ढुकी मुटुको”
उ परिक्ष्या देखि तर्सिन्छ, म छिटछिटो चल्छु
र उ खोज्छ “परिक्ष्या देखि नै भाग्न”
उसले गालि खान्छ, मेरो गति बढ्छ
र उ रिस पोख्छ जो कसै माथि
उ कुनै काम मा सफल हुन्छ, म उफ्रिन्छु
र उ भन्छ “ओ माईगड, आइ दीड इट”
यस्तै कति क्षणहरुमा मेरो धड्कन बढ्छ
मलाइ ठिकै लाग्छ, यो मेरो काम हो
तर
उ रक्सी खान्छ, मलाइ भारी पर्छ
उ चुरोट खान्छ, मेरो धमनी साघुरिन्छ
उ चिल्लो, गुलियो, नुनिलो धेरै खान्छ, मलाइ खराब असर पर्छ
उ उच्च रक्तचाप, चिनीको रोगको औषधि खादैन, मलाइ गाह्रो हुन्छ
उ ब्यायाम गर्दैन, मोटाउछ, मलाइ अप्ठेरो पर्छ
यी सबै उसका हरकत ले मलाइ रोग लाग्छ, उ म बिरामी भए भन्छ
अब भन्नुस, म बिरामी हुनुमा
उसको दोष कि मेरो?
( विश्व मुटु दिवसको सन्दर्भमा काठमाडौँ विश्वविद्यालय स्कुल अफ मेडिसिनका डिन राजेन्द्र कोजुले लेख्नुभएको कविता )
यो पनि पढ्नुहोस
विश्व मुटु दिवसमा मेरो मुटु, तिम्रो मुटु !
