भिषण हिमपातका बाब्जुत पनि राेकिएन काँग्रेसको प्रर्दशन
हुम्ला, पौष–०१ । हुम्ला जिल्लाको सदरमुकाम सिमकोटमा नेपाली कांग्रेसल शक्ति प्रदर्शन गरेको छ । जिल्ला सदराुकाम सिमकोटमा जताततै सेताम्मे छ यति हुदा हुदै पनि हुम्ला काँग्रेसले वर्तमान सरकारले गरेका गतिविधिका विरूध बिरोध सभा सहितको शक्ति प्रदर्शन गरेरै छोड्यो । यस्तो चिसो मौषममा काँग्रेसको प्रदर्शनलाई न त हिउले रोक्यो न त चिसोले नै । मंगलबार दिउसो साडे १२ बजेसिमकोटको काली चोकमा रहेका नेपाली काँग्रेसको पाटी कार्यालयबाट शूरु भएको बिरोध प्रदर्शनको र्याली सिमकोट बजार परिक्रमा गरी मानसरोवर बहुमुखि क्याम्पसको प्रांगडमा सभामा परिणत भएको थियो ।
दुइतिहाइ बहुमतको प्रदेश र संघीय सरकारको चर्को आलोचना गरेको कांग्रेसले कार्यक्रम मार्फत् तीनै तहमा देखिएका सरकारका कमजोरीलाई सार्वजनिक गर्दै प्रहरी प्रशासन मात्र होईन, न्याय क्षेत्र पनि नेकपाको इसारामा चलेको तथ्यलाई बिरोध सभामा सम्बोधन गर्दै नेपाली कांग्रेसका केन्द्रीय सदस्य एवं पूर्वमन्त्री जीवन बहादुर शाहीले बताए ।
जिल्लामा बढ्दो भ्रष्टाचार र अनियमिताविरुद्ध प्रहरी प्रशासन र कार्यालय प्रमुखहरुले समेत नेकपाको इसारामा चलेर जनतालाई विभेद गरिरहेको हुदा त्यसको हुम्ली जनताले सशक्त प्रतिकार गर्ने केन्द्रीय सदस्य एवं पूर्वमन्त्री शाहीले बताए ।
जिल्लामा स्थानिय प्रशासन र सरकारि कार्यालय प्रमुखहरुबाट यस्तै ज्यादती हुदै जाने हो भने नेपाली कांग्रेस र हुम्ली जनता त्यसको प्रतिकार गर्न तयार रहेको भन्दै चेतावनी दिदै मंगलबार हुम्लाको सदरमुकाम सिमकोटमा कांग्रेसले आयोजना गरेको विरोध सभामा बोल्दै कांग्रेसका नेताहरुले यस्तो अभिव्यक्ति दिएका हुन । प्रहरी प्रशासन मात्र होइन न्याय क्षेत्र पनि नेकपाको इसारामा चल्न थालेपछि अब जनताले कसरि यस्ता ब्यतक्तिबाट सुशासन र न्यायको प्रत्याभुति गर्ने?, पूर्वमन्त्री शाहीले भने ।
जिल्लामा भइरहेका सबै खोले विकृति विसंगतिका विरुद्ध अब प्रदेश सभामा आवाज उठाउने कर्णाली प्रदेश सभामा प्रमुख प्रतिपक्ष दलका नेता समेत रहेका शाहीले बताए । अहिले सम्म राष्ट्रिय सडक सञ्जालले नजोडिएको नेपालको एक मात्र जिल्लाका रुपमा चिनिएको हुम्लाका जनतालाई रेल पुर्याउने झुट्टा आस्वाशन भन्दा पनि गाडीको आवश्यकता रहेकाले सरकाले रेल ल्याउनेकुरा गरेर समय खर्च गर्नुको सट्टा हुम्ला जिल्लालाई छिटो भन्दा छिटो राष्ट्रिय सडक संजालसंग जोड्न तिर लाग्नु पर्ने नेता शाहीले बताए । नेपाली काँग्रेसले गरेको प्रदर्शनमा ६ सय काँग्रेस कार्यकर्ताको उपस्थिति रहेको बिरोध सभालाई नेपाली काँग्रेसका केन्द्रीय सदस्य जीवनबहादुर शाही, हुम्ला सभापती जयपती रोकाया, नेता मंगलबहादुर शाही र पुर्ब सांसद रीता शाहीले सम्बमेधन गर्नु भएको थियो । – जनकबहादुर शाही
