२०८१, ५ माघ शनिबार
यूनिकोड

चिनियाँ राजदूत यान्छीको सक्रियतापछि नेकपामा बढेको विवाद मत्थर हुँदै

काठमाडौं, असार २१ : सत्तारुढ दल नेपाल कम्युनिष्ट पार्टी (नेकपा) भित्र विवाद वढिरहेका बेलामा नेपालका लागि चिनियाँ राजदूत होउ यान्छीले सक्रियता बढाएकी छिन् । राजदूत होउ यान्छीको सक्रियता बढेपछि नेकपा भित्र चुलिएको विवाद केहि मत्थर हुँदै गरेको अनुमान गरिदैछ।

आइतबार साँझ मात्र यान्छीले नेकपाका बरिष्ठ नेता माधवकुमार नेपालको निवासमै पुगेर भेटवार्ता गरेकी छिन् । पहिले प्रधानमन्त्री तथा अध्यक्ष केपी ओली, र अर्का अध्यक्ष पुष्पकमल दाहाल प्रचण्ड त्यसपछि नेपाललाई भेटेकी हुन् ।

वरिष्ठ नेता नेपाल र यान्छीबीच कोटेश्वरस्थित नेपाल निवासमा भेट भएको हो । करिब दुई महिनाअघि पनि नेकपाभित्र शीर्ष नेताहरुबीचको विवादले गम्भीर मोड लिएका बेला राजदूत यान्छीको समेत सक्रियतापछि साम्य भएको चर्चा गरिएको थियो ।