२०८२, २१ श्रावण मंगलवार
यूनिकोड

काठमाडौं उपत्यकामा ३७७ जना सहित ११११ जना पुगे कोरोना संक्रमित

काठमाडौं, भदौ ११: काठमाडौं उपत्यकामा थप ३७७ जनामा कोरोना भाइरसको संक्रमण पुष्टि भएको छ। बिहीबार गरिएको परीक्षणमा काठमाडौं उपत्यकामा थप ३७७ जनामा कोरोनाको संक्रमण पुष्टि भएको स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले जानकारी दिए।

उनका अनुसार कोरोना संक्रमित हुनेहरुमा काठमाडौंका २७०, ललितपुरका ६६ र भक्तपुरका ४१ जना रहेका छन्।

नेपालमा थप ११११ जनामा कोरोना भाइरसको संक्रमण पुष्टि भएको छ।

बिहीबार विभिन्न प्रयोगशालामा गरिएको परीक्षणमा थप ११११ जनामा कोरोनाको संक्रमण पुष्टि भएको स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले जानकारी दिए।

योसँगै नेपालमा कोरोना संक्रमितको संख्या ३५ हजार ५२९ पुगेको छ। संक्रमितमध्ये २० हजार ७३ जना निको भएर घर फर्किएका छन् भने कोरोना संक्रमणबाटअहिलेसम्म १८३ जनाको मृत्यु भएको छ। प्रवक्ता गौतमका अनुसार बिहीबार कोरोनालाई जितेर ५६९ जना घर फर्किएका छन्।