सोमबार ११५४ जनामा कोरोना संक्रमण, १६ जनाको मृत्यु

काठमाडौँ, ५ असोज : सोमबार थप १ हजार १५४ जनामा कोरोना संक्रमण पुष्टि भएको छ।

स्वास्थ्य तथा जनसंख्या मन्त्रालयका अनुसार ९ हजार ५ सय ३३ जनामा गरिएको पीसीआर परीक्षणमा ११ सय ५४ जना संक्रमित भेटिएका हुन् । यीसहित नेपालमा हालसम्म संक्रमित हुनेको संख्या ६५ हजार २७६ पुगेको छ। निको हुनेको कुल संख्या ४७ हजार २३८ पुगेको छ भने आजसम्म देशभर सक्रिय संक्रमितको संख्या १७ हजार ६११ रहेको छ ।

स्वास्थ्य मन्त्रालयका प्रवक्ता डा जागेश्वर गौतमका अनुसार पछिल्लो २४ घन्टामा थप १६ जनाको मृत्यु भएको छ। यो संगै नेपालमा कुल मृत्यु हुनेको संख्या ४२७ पुगेको छ।