बुधबार थप ११७२ जनामा कोरोना संक्रमण, उपत्यकामा ६३७ जना

काठमाडौँ, ७ असोज : पछिल्लो २४ घण्टामा ११७२ जनामा कोरोना भाइरस (कोभिड-१९) को संक्रमण पुष्टि भएको छ।

देशभरको प्रयोगशालामा ९४५९ नमुना परीक्षण गर्दा उनीहरुमा संक्रमण पुष्टि भएको हो । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार पछिल्लो २४ घण्टामा सो संख्याका संक्रमित थपिएका हुन्। उपत्यकामा ६३७ जनामा कोरोनाभाइस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार काठमाडौंमा ४९२, ललितपुरमा ५० र भक्तपुरमा ९५ जनामा कोरोनाभाइरस संक्रमण पुष्टि भएको छ । यीसहित हालसम्म देशभर सक्रिय संक्रमितको संख्या ६७ हजार ८०४ पुगेको छ।

बुधबार थप ७ मृतकमा कोरोना पुष्टि भएको छ। यीसहित हालसम्म मृतक ४३६ जनामा कोरोना पुष्टि भएको छ।