मंगलबार थप ३५५६ जनामा कोरोना भाइरस संक्रमण पुष्टि

काठमाडौँ, २७ असोज : पछिल्लो २४ घण्टामा ३ हजार ५५६ जनामा कोरोना भाइरस (कोभिड-१९) को संक्रमण पुष्टि भएको छ ।

स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार देशभरका प्रयोगशालामा नमुना १५ हजार ५७७ परीक्षण गर्दा उनीहरुमा संक्रमण पुष्टि भएको हो । यीसहित हालसम्म संक्रमित हुनेको संख्या १ लाख १५ हजार ३५८ पुगेको उनले बताए। पछिल्लो २४ घन्टामा कोरोनाबाट १ हजार ५०३ निको भएका छन्। यीसहित हालसम्म कोरोनाबाट निको हुनेको संख्या ७८ हजार ७८० पुगेको छ भने सक्रिय संक्रमितको संख्या ३५ हजार ९१५ रहेको छ। प्रवक्ता गौतमका अनुसार हाल संस्थागत आइसोलशेनमा १५ हजार ४८ र होम हाइसोलेशनमा २० हजार ८६७ जना रहेका छन् ।

मंगलबार थप १८ जनाको कोरोना संक्रमणका कारण मृत्यु भएको छ। यो संगै कोरोनाबाट ज्यान गुमाउनेको संख्या ६६३ पुगेको छ।