थप २९४२ जनामा कोरोना भाइरस संक्रमण पुष्टि

काठमाडौँ, २ कात्तिक : पछिल्लो २४ घण्टामा थप २९४२ जनामा कोरोना भाइरस (कोभिड-१९) को संक्रमण पुष्टि भएको छ ।

स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार देशभरका प्रयोगशालामा १५ हजार ८७५ नमुना परीक्षण गर्दा उनीहरुमा संक्रमण पुष्टि भएको हो । यीसहित हालसम्म संक्रमित हुनेको संख्या १ लाख ३२ हजार २४६ पुगेको छ। यस अवधिमा २ हजार ३२६ जना कोरोनाबाट मुक्त भएका छन्। यीसहित हालसम्म कोरोनाबाट निको हुनेको संख्या ९२ हजार १६६ पुगेको छ भने सक्रिय संक्रमितको संख्या ३९ हजार ३४१ रहेको मन्त्रालयले जनाएको छ। जसमा संस्थागत आइसोलेशनमा १२ हजार ९३३ जना र होम आइसोलेशनमा २६ हजार ४०८ जना रहेका छन् ।आज थपिएका संक्रमित मध्ये १६९८ जना काठमाडौं उपत्यकाका छन् ।

पछिल्लो २४ घन्टामा थप १२ जनाको कोरोना संक्रमणका कारण मृत्यु भएको छ। यीसहित हालसम्म कोरोना संक्रमणका कारण मृत्यु हुनेको संख्या ७३९ पुगेको छ।