थप १७९० जनामा कोरोना संक्रमण पुष्टि, २७९१ जना डिस्चार्ज

मंगलबार विभिन्न प्रयोगशालामा गरिएको परीक्षणमा थप १७९० जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ।

कोरोना संक्रमितको संख्या अहिले २ लाख २४ हजार ७८ पुगेको छ भने अहिलेसम्म २ लाख ४ हजार ८५८ जना संक्रमणमुक्त भएका छन्।

पछिल्लो २४ घण्टामा कोरोना संक्रमणबाट २४ जनाको मृत्यु भएको छ। कोरोना संक्रमणबाट अहिलेसम्म मृत्यु हुनेको संख्या १३६१ पुगेको छ। 

स्वास्थ्य मन्त्रालयका अनुसार मंगलबारमात्रै २७९१ जना कोरोनालाई जितेर अस्पतालबाट डिस्चार्ज भएका छन्।