पछिल्लो २४ घण्टामा ७६६० जनामा कोरोना संक्रमण पुष्टि, ५५ को मृत्यु

काठमाडौं, वैशाख २१ : पछिल्लो २४ घण्टामा नेपालमा ७६६० जना कोरोना भाइरसका संक्रमित थपिएका छन् । यस्तै ५५ जनाको मृत्यु भएको स्वास्थ्य तथा जनसंख्या मन्त्रालयले जनाएको छ। यो कोभिड अवधिभरकै उच्च मृत्युको संख्या हो ।

मन्त्रालयका अनुसार १६ हजार १३१ पीसीआर परीक्षणमा ७५८७ र ५७१ एन्टिजेन परीक्षणमा ७३ जनामा संक्रमण पुष्टि भएको हो ।

पछिल्लो २४ घण्टामा १७७५ जना कोरोना संक्रमणमुक्त भएका छन् ।

योसँगै नेपालमा कोभिड संक्रमणबाट मृत्यु हुनेको संख्या ३ हजार ४१७ र संक्रमितको संख्या ३ लाख ५१ हजार ५ पुगेको स्वास्थय तथा जनसंख्या मन्त्रालयको तथ्यांक छ ।