उपचारका लागि पूर्वप्रधानमन्त्री झलनाथ खनाललाई दिल्ली लगिंदै
काठमाडौं, असार २ : पूर्वप्रधानमन्त्री तथा नेकपा एमालेका वरिष्ठ नेता झलनाथ खनाललाई थप उपचारका लागि नयाँदिल्ली लैजाने तयारी गरिएको छ ।
ज्वरो र रगतमा हेमोग्लोबिनको कमीलगायत समस्या देखिएपछि काठमाडौंको नर्भिक अस्पताल भर्ना गरिएका खनाललाई थप उपचारका लागि आज साढे १२ बजे जहाजबाट दिल्ली लैजाने तयारी गरिएको खनालको सचिवालयले जनाएको छ ।
खनालको उपचार दिल्लीको एपोलो अस्पतालमा हुने छ।
यसअघि कोरोना संक्रमित भएका खनाल लामो समय नर्भिक अस्पतालमा नै उपचार गरेर घर फर्किएका थिए।
