२०८३, ३ भाद्र बुधबार
यूनिकोड

सदरमुकाम चैनपुर जोड्ने सडकखण्ड अवरुद्ध

गएराति बझाङको बाहुली खोलामा आएको बाढीका कारण सदरमुकाम चैनपुर जोडने सुर्मा सडकखण्ड अवरुद्ध । सदरमुकामबाट सुर्मा गाउँपालिकालाई जोडने उक्त सडक खण्ड बाहुली खोलामा आएको बाढीले बगाएपछी अवरुद्ध बनेको हो । तस्वीर : रमेश केसी(रासस)

बझाङ, २० साउन : गए राति बाहुलीखोलामा आएको बाढीका कारण सदरमुकाम चैनपुर जोड्ने सुर्मा सडकखण्ड अवरुद्ध भएको छ । सदरमुकामबाट सुर्मा गाउँपालिकालाई जोड्ने उक्त सडकखण्ड बाहुलीखोलामा आएको बाढीले बगाएपछि अवरुद्ध बनेको हो ।

जिल्ला प्रहरी कार्यालयका सूचना अधिकारी कमल चौधरीका अनुसार प्रहरी टोली पहिरो गएको स्थानमा गएको र अहिले टोली सोही ठाउँमा नपुगेका कारण क्षतिको विवरण आउन बाँकी रहेको छ ।

वर्षायाम भएकाले जिल्लाका दर्जनौँ गाउँ पहिराको उच्च जोखिममा रहेकाले सबैलाई सतर्क रहनसमेत चौधरीले आग्रह गर्नुभयो । सोही पहिराका कारण सुर्मा–२ को सेनडोगडी विद्युत् प्रालिको पावरहाउस पनि जोखिममा छ । (रासस)