गठबन्धनविपरीतका उम्मेदवारी फिर्ता गर्ने सत्ता गठबन्धनको निर्णय
![](https://sadrishya.com/wp-content/uploads/2022/04/gathabandhan-s-20220412-08072758762-1.jpg)
काठमाडौं । पाँच दलीय सत्ता गठबन्धनले स्थानीय तह निर्वाचनमा गठबन्धनको निर्णय विपरित दर्ता भएको उम्मेदवारी सम्बन्धित दलले फिर्ता गराउने निर्णय गरेको छ । प्रधानमन्त्री निवास बालुवाटारमा बुधबार बसेको बैठकले ६ महानगर र ११ उपमहानगरमा गठबन्धनविपरीत दिइएका उम्मेदवारी सम्बन्धित पार्टीले फिर्ता गर्ने निर्णय गरेको छ ।
गठबन्धन दलभित्रका पार्टीका नेताहरूले स्वतन्त्र रूपमा दर्ता गरेका उम्मेदवारी फिर्ता गर्न सम्बन्धित पार्टीले आवश्यक कार्य गर्ने निर्णय पनि गरिएको छ । केन्द्रबाट भागबन्डा भएका ६ महानगर र ११ उपमहानगरका वडाको सिट बाँडफाँटका लागि आजै प्रदेश र जिल्ला संयन्त्रको बैठक बसेर समझदारी गर्ने अर्को निर्णय भएको छ।
![073807159279098048_323696556453706_5516106898007007027_n 073807159279098048_323696556453706_5516106898007007027_n](https://www.drishyatv.com/uploads/media/073807159279098048-323696556453706-5516106898007007027-n-20220427-01550666947.jpg)