बुध्दको १३ औं जहाज काठमाडौं आईपुग्यो

बुध्द एयरलाईन्सले आज थप एक ATR-72 जहाज भित्र्याएको छ । चेन्नाईबाट उडेको सो जहाज त्रिभुवन विमानस्थलमा सनिवार दिउँसो आइपुगेको हो ।

यससँगै बुध्द एयरको जहाज संख्या १३ पुगेको छ, भने ATR-72 जहाजको संख्या ८ । बुध्दसँग अर्को ३ वटा ATR-42  र २ वटा बीच १९०० ‘डी’ जहाज रहेको छ । बुध्दले थप अर्को जहाज अक्टोबर महिनामा भित्र्याउन लागेको छ । यस नया“ जहाजबाट बुध्द एयरले दशैंअघि नै उडान थाल्नेछ ।

आउँदा दिनहरुमा थुप्रै चाँडपर्व दशैं, तिहार र छठका कारण यात्रुहरुलाई आउजाउ गर्न सजिलो हुने कम्पनीले जनाएको छ । थपिएको जहाजले नियमित मर्मतसम्भारमा सघाउ पुग्ने र उडानहरु नियमित तथा विलम्वलाई छोट्याउन सहयोग पुर्याउने छ ।