कोरोनाबाट संक्रमित हुनेको संख्या १७ हजार ३४४

काठमाडौं, साउन १ : नेपालमा थप  १६७  जनामा कोरोना भाइरसको संक्रमण पुष्टि भएको छ। 

बिहीबार विभिन्न प्रयोगशालामा गरिएको परीक्षणमा थप १६७  जनामा कोरोनाको संक्रमण पुष्टि भएको स्वास्थ्य तथा जनसंख्या मन्त्रालयका प्रवक्ता डा‍. जागेश्वर गौतमले जानकारी दिए।

योसँगै नेपालमा कोरोनाबाट संक्रमित हुनेको संख्या १७ हजार ३४४   पुगेको छ। संक्रमितमध्ये हालसम्म ११ हजार २ सय ३८ जना निको भएर घर फर्किएका छन् भने संक्रमणबाट अहिलेसम्म ३९ जनाको मृत्यु भएको छ।  

प्रवक्ता गौतमका अनुसार बिहीबार कोरोनालाई जितेर २१३ जना घर फर्किएका छन्।