२०८३, २ आश्विन शुक्रबार
यूनिकोड

दाङको सिस्ने खोलाले गाडी बगाउँदा चार जनाको मृत्यु

दाङ, भदौ १७ : दाङको सिस्ने खोलाले गाडी बगाउँदा चार जनाको मृत्यु भएको छ।

जिल्ला प्रहरी कार्यालय, दाङका अनुसार घोराही उपमहानगरपालिका १३ की ४० वर्षीया रिता माया पुन, ३२ वर्षीया सुशीला श्रेष्ठ, घोराही उपमहानगरपालिका १४ की ३१ वर्षीया राधा कुँवर र ४२ वर्षीया विमला केसीको मृत्यु भएको छ।

घोराही–लमही सडक खण्डको घोराही उपमहानगरपालिका ४ सिस्ने खोलामा आएको बाढीले गाडी बगाएको हो। खोलाले गाडी बगाउँदा चार जनाको घटनास्थलमै मृत्यु भएको जिल्ला प्रहरी कार्यालयका डिएसपी मुकुन्दप्रसाद रिजालले बताए।

गएराति १० प्रदेश ०३–०१–०२४ च ४४४० नम्बरको कारलाई खोलाले बगाएको थियो। गाडी चालक घोराही उपमहानगरपालिका १५ का ४० वर्षीय नरबहादुर पुनको खुट्टा भाँचिएको छ। उनको राप्ती स्वास्थ्य विज्ञान प्रतिष्ठानमा उपचार भइरहेको प्रहरीले जनाएको छ।

मृतक चारै जनाको शव पोस्टमार्टमका लागि राप्ती स्वास्थ्य विज्ञान प्रतिष्ठानमा राखिएको छ।