२०८१, २० बैशाख बिहीबार
यूनिकोड

जनकपुरमा कुमार सानुको एकल साँझ हुने

काठमाडौं । नब्बेको दशकका चर्चित बलिउड गायक कुमार सानु यही २७ कार्तिकमा नेपाल आउने भएका छन् ।

ब्ल्यूबर्ड इन्टरटेनमेन्टले जनकपुरमा कुमार सानुको एकल शो आयोजना गर्दैछ ।

मुजेलियास्थित राजदरबार होटलमा आयोजना हुने कार्यक्रममा कुमार सानुले हिन्दी र नेपाली चलचित्रका आफ्ना चर्चित गित गाउनेछन् ।

शोका आयोजक संस्थाका भिभोर पोखरेलका अनुसार कुमार सानुका साथ गायक सुगम पोखरेल, मोडल पुजा ठाकुर, शुसील नेपाल, रोशन पराजुली आदिको प्रस्तुती रहनेछ ।

बलिउड गायक कुमार सानुले ‘सपना सपना’, ‘म त अब रिसाउँछु’जस्ता चर्चित नेपाली गीत गाएका छन् ।

हिन्दी चलचित्रमा उनका ‘आँख है भरीभरी’, ‘एक लडकीको देखा तो’, ‘ए काश के हम’, ‘तुम दिल कि धडकन हो’ र ‘सोचेंगे तुम्हे प्यार’ लगायत सयौं सुपरहिट गितमा स्वर दिएका छन् ।

बलिउडमा उदीत नारायण झा र कुमार सानुबिच नब्बेको दशक यता निकै प्रतिश्पर्धा थियो । यो दौडमा उदितले केही उछिनेको भए पनि कुमार सानुको मौलिक विशेषतासहितको गायन सदाबहार मानिन्छ ।